Жаңадан сайланған сенаторлар тұрақты комитеттер құрамына сайланды
АСТАНА. 3 қыркүйек. ҚазАқпарат - Бүгін спикер Қайрат Мәмидің төрағалық етуімен өткен Парламент Сенатының жалпы отырысында жаңадан сайланып, қызметіне кіріскен сенаторлар палатаның тұрақты комитеттерінің құрамына сайланды.
Тоқтала кететін жайт, Елбасының Жарлығына сәйкес, жақында тағайындалған 8 сенатор өз құқықтарын пайдалана отырып, тұрақты комитеттер құрамына сайлануға тілектерін білдіріп, өтініш берген. Соған сәйкес, депутаттар Бірғаным Әйтімова, Сергей Громов, Ләззат Қиынов, Георгий Ким - Халықаралық қатынастар, қорғаныс және қауіпсіздік комитетіне, Дулат Құсдәулетов - Конституциялық заңнама, сот жүйесі және құқық қорғау органдары комитетіне, Серік Нөгербеков - Қаржы және бюджет комитетіне, Нұрлан Оразалин Әлеуметтік-мәдени даму комитетіне сайланды.
Ал Сергей Кулагин өз өтініші бойынша Табиғатты пайдалану және ауылдық аумақтарды дамыту комитетіне ауысты.
