Жаңалық сайттары эпидемияның жылдам таралуына тосқауыл қояды
АСТАНА. ҚазАқпарат - Онлайн порталдардың тұмау эпидемиясы туралы жазуы оның жылдам таралуына тосқауыл қояды. H1N1 тұмауымен ауырғандар саны мен эпидемия туралы жаңалықтар санының байланысын зерттеген Канада мен Қытай ғалымдары осындай тоқтамға келіп отыр.
N+1 сайтының хабарлауынша, зерттеушілер БАҚ-тағы «байбаламның» эпидемия таралмауына оң әсер ететіні дәлелдеген.
Бұл зерттеуге деректер қытайдың 36 млн адам тұратын Шэньси провинциясынан жиналған. Үш ай ішінде ғалымдар жаңалықтағы эпидемия туралы хабарламаларды, сондай-ақ ауруханаға жатқызылған сырқаттар туралы мәліметтерді жинаған.
Бір қызығы эпидемия туралы ақпараттар жиі жария етілген 10 күн ішінде ауруханаға осы сырқатпен түскендер саны екі есеге азайып кеткен.
Ғалымдар бұл құбылысты БАҚ-тың адамдар әрекетіне әсер ететіндігімен байланыстырады.
