Жаңаөзендегі жарылысқа байланысты жедел штаб құрылды
АСТАНА. ҚазАқпарат - Маңғыстау облысының Төтенше жағдайлар департаментінде Жаңаөзендегі жарылысқа байланысты жедел штаб құрылды.
Бұл туралы ҚР Төтенше жағдайлар министрлігінің баспасөз қызметі хабарлады.
Баспасөз қызметі сонымен қатар жарылысқа байланысты жедел желі телефоны іске қосылғаны айтылған. Тел: 8/7292/31-90-99.
Осыған дейін Жаңаөзен қаласында газ жарылып, 11 адамның зардап шеккенін хабарладық.
