Жаңажылдық мереке күндері республикада 266 өрт оқиғасы болды

АСТАНА. Қаңтардың 7-сі. ҚазАқпарат – Желтоқсанның 31-і мен қаңтардың 4-і аралығында ел аумақтарында 266 өрт оқиғасы болып,

олардың салдарынан 26 адам қаза тапты, олардың арасында бір бала бар. Сондай-ақ сегіз адам түрлі деңгейде күйік жарақатын алды, деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. «Өрт сөндіру саласының қызметкерлері осы аралықта 16 адамды құтқарды, 235 адамды көшірді», делінген Төтенше жағдайлар ведомствосының ақпарында.