Жаңажылдық мереке күндері Шығыс Қазақстанда 32 өрт оқиғасы тіркелді

ӨСКЕМЕН. Қаңтардың 5-і. ҚазАқпарат /Людмила Малько/ - Жаңажылдық мереке күндері Шығыс Қазақстанда 32 өрт оқиғасы болды, олардың салдарынан 3 адам қаза тапты,

деп хабарлады Төтенше жағдайлар департаментінен.

Төтенше оқиғаларға негізінен, пештердегі ақаулар мен ішкілік ішкен жағдайда өртпен абай болмау фактілері себеп болған. Қаза болған үш адам да (екеуі - Өскеменде, біреуі - Семейде) өрт кезінде мас болған.

Ал пиротехника заттарын қолданудың салдарынан ешқандай өрт оқиғасы тіркелмегенін айта кету керек. Жаңажылдық мереке күндері төтенше жағдай қызметкерлері 17 апаттық-құтқару шараларын атқарып, нәтижесінде 9 адамды аман алып қалды.