Жәнібек Әлімханұлы The Ring журналының жаңартылған рейтингінде көш бастады

АСТАНА. KAZINFORM — The Ring журналы салмақ дәрежелері бойынша жаңартылған рейтингін жариялады, деп жазды  Sports.kz.

Жәнібек Әлімханұлы орта салмақтағы көшбасшылық орнын  (17-0, 12 KO) сақтап қалды. Ол WBO және IBF нұсқалары бойынша әлем чемпионы атағына ие.

Рейтингтің келесі орындарында:

• Карлос Адамес (Доминикан Республикасы, 24-1-1, 18 KO) — WBC чемпионы

• Хамза Шираз (Ұлыбритания, 21-0-1, 17 KO)

• Эрисланди Лара (Куба, 31-3-3, 19 KO) — WBA чемпионы

Жәнібек соңғы жекпе-жегін 2024 жылғы 5 сәуірде Астанада өткізді. Ол француз боксшысы Анауэль Нгамиссенгені (14-1, 9 KO) бесінші раундта нокаутпен жеңді.

Айта кетейік, бұған дейін Жәнібек Әлімханұлы әлемнің үздік 20 боксшысының қатарына кірген болатын.