Жәнібек Әлімханұлы АҚШ-та салмақ өлшеу рәсімінен өтті
АСТАНА. ҚазАқпарат - Кәсіпқой бокста бағын сынап жүрген Жәнібек Әлімханұлы бүгін АҚШ-та салмақ өлшеу рәсімінен өтті, деп хабарлайды ҚазАқпарат.
Бұл туралы боксшының PR менеджері Берік Сұлтан өзінің Facebook-дегі парақшасында айтты.
"Салмақтан сәтті өтті. Ертең жекпе-жек", - дейді ол.
Айта кетсек, Жәнібек Әлімханұлының Америкадағы алғашқы жекпе-жегі Окландтағы бокс кешінде өтеді. Сегіз раундтық жекпе-жекте қазақстандық боксшы 27 жастағы колумбиялық Карлос Галванге қарсы (16-7-1, 15 КО) жұдырықтасады.
25 жастағы қазақстандық боксшы кәсіпқой рингте екі рет шығып, екеуінде де жеңіске жеткен.
