Жәния Әубәкірова Мәскеу консерваториясының сахнасында өнер көрсетті

МӘСКЕУ. 11 наурыз. ҚазАқпарат - ҚР Халық әртісі Жәния Әубәкірова П.Чайковский атындағы Мәскеу консерваториясының Кіші залының сахнасында өнер көрсетті.

«Сергей Рахманинов. Туғанына 140 жыл құрметіне» атты концертте Мариин театрының симфониялық оркестрінің музыканттары: халықаралық байқаулардың лауреаты, скрипкашы Кирилл Терентьев және РФ еңбек сіңірген әртісі, виолончелист Олег Сендецкий өнер көрсетті. Рояльда - Құрманғазы атындағы Қазақ ұлттық консерваториясының ректоры Жәния Әубәкірова.

С.Рахманиннің камералық-аспапты туындылары: виолончель мен фортепианоға арналған сонато және №2 элегиялық трио орындалды.