Жания Бекмұхамбетова Италиядағы халықаралық турнирде күміс жүлдегер атанды
АСТАНА. KAZINFORM — Үстел теннисінен Қазақстан құрамасының өкілі Жания Бекмұхамбетова Италияның Линьяно қаласында өткен WTT Youth Contender халықаралық турнирінде күміс медаль жеңіп алды.
Отандасымыз U13 жас санатында екінші орынға ие болды.
ҚР ҰОК мәліметінше, жарыс барысында Жания Бекмұхамбетова Италия өкілі Виктория Таминиді (3:0), румыниялық Диана Бурлакуны (3:0), италиялық Майя Павелді (3:0), аустралиялық Алисса Йенгті (3:0) және испаниялық Кармен Гоместі (3:0) жеңді.
Финалда қазақстандық спортшы жапониялық Каэдэ Нэяға 1:3 есебімен есе жіберіп, турнирдің күміс жүлдесін иеленді.
Айта кетсек, Дастан Сәтпаев Қазақстан туын ұстаған шетелдік жанкүйерге жейдесін сыйлады.
