Жантүршігерлік жол апаты: Жүк көлігі мектеп автобусымен соқтығысты
АСТАНА. ҚазАқпарат - Жапондық Оита префектурасында жол-көлік оқиғасы салдарынан 16 адам зардап шекті, олардың 14-і бала. Мектеп автобусы мен жүк фургонының қатысуымен жол апаты Хита елді мекенінде орын алды, деп хабарлады жергілікті БАҚ құқық қорғау органына сілтеме жасап.
Полиция деректеріне сүйенсек, бағдаршам белгісіне тоқтап тұрған автобусты жүк көлігі аса жылдамдықпен келіп соққан. Кей балалар жарақат алып ауруханаға жатқызылса, кейбіріне оқиға орнында медициналық көмек көрсетілді.
Жүргізуші ұсталды.
