Жапондық шаруа салмағы жарты тонна болатын асқабақ өсірді
АСТАНА. 24 қыркүйек. ҚазАқпарат - Жапондық шаруа салмағы 485,1 килограмм болатын асқабақты өсірді, деп хабарлайды Росбалт.
Асқабақ жалпыұлттық «Жапониядағы ең үлкен асқабақ» сайысында бас жүлдені алған.
Сайысқа елдің түрлі аудандарынан 31 асқабақ тапсырылған. Алып асқабақтың иесі Кодзи Уэно екінші жыл қатарынан бас жүлдеге ие болып отыр.
Енді ол 19 қазан күні АҚШ-тың Орегон штатында өтетін халықаралық алып асқабақтар сайысына қатыспақ.
