Жапонияда әлемнің ең қарт тұрғыны 117 жасын тойлап жатыр
АСТАНА. ҚазАқпарат - Планетаның ең қарт әйел тұрғыны, жапониялық Мисао Окава бейсенбі күні 117 жасқа толды. Ол екі жыл бұрын жасы ең үлкен адам болып мойындалған, деп хабарлады ТАСС.
Өткен сәрсенбі күні Осака қаласындағы Хигаси-Сумиёси муниципалитетінің басшысы Такэхиро Огура Окаваны құттықтап, гүл шоқтарын сыйлады. Туған күнін жапониялық арнайы медициналық мекемеде атап өтуде.
Дәрігерлердің сөзіне қарағанда, қарт әйел қауіпті дерттермен ауырмайды. Оның көп жылдық өмірінің бір құпиясы - жақсы ұйқы. Қазір Окава қалыпты жағдайда күніне шамамен 15 сағаттан ұйықтайды.
Жапониялық 1898 жылы 5 наурызда туған.
Әлемдегі ең қарт ер адам Жапониялық Сакари Момои. Ол 5 ақпанда 112 жасқа толды.
