Жапонияда «доңыз тұмауын» жұқтырғандардың саны 2 мыңнан асты

ТОКИО.  Шілденің  8-і.  ҚазАқпарат -   Жапонияда  «доңыз тұмауын»  жұқтырғандардың саны 2 мың адамнан  асты,

 деп хабарлайды  ҚазАқпарат  Utro.ru сайтына  сілтеме  жасап.

 Пандемия  Жапониядағы 47 префектураның 46-сына тарап  отыр.     Бүгінде  індет тимеген   префектура тек   Ямагата     ғана.   Дүниежүзілік  денсаулық сақтау  ұйымы     маусымның    11-інде   пандемия  қаупінің     ең жоғарғы,  алтыншы  деңгейі енгізілгені  туралы  ресми жария  еткен  болатын.  Бұл  соңғы  40 жылдан  бері алғаш рет  жарияланған   пандемия қаупі.

 Шілденің 6-сындағы   мәліметтер  бойынша,      індетті  жұқтырудың 94 мың 512 оқиғасы  тіркелген.   Оған қоса,   қатерлі  вирустан  429 адам  көз жұмған.