Жапонияда құс тұмауы анықталды

АСТАНА. ҚазАқпарат - Жапонияның Сага префектурасының екі құс фабрикасында құс тұмауы анықталды. Бұл туралы аталмыш префектураның сайтында хабарланған деп жазады шетелдік БАҚ.

Вирустың таралуының алдын алу үшін провинция билігі 73 мың тауықтың көзін жою туралы шешім қабылдады. Сондай-ақ құс фабрикалары аумағында карантин жарияланып, жануарлар өнімін 3 шақырымнан алыс қашықтыққа тасымалдауға тыйым салынған. Қазіргі кезде префектура жолдарында дезинфекциялау шаралары жүргізілуде. Бұдан бұрын Американың Вашингтон штатындағы жеке меншік фермада құс тұмауы вирусы анықталған болатын.