Жапонияда парламенттің жоғары палатасына сайлау басталды

АСТАНА. ҚазАқпарат - Бүгін Жапонияда парламенттің жоғары палатасына яғни кеңесшілер палатасына сайлау басталды, деп хабарлайды РИА Новости.

Сайлау участкелері жергілікті уақытпен 07:00-де ашылды. Алдын ала жүргізілген сауалнамалар бойынша, премьер-министр Синдзо Абэ жетекшілік ететін,  елдегі билеуші партия -  Либералды-демократиялық партияның жеңіске жету мүмкіндігі жоғары.

Парламенттің жоғары палатасындағы 242 депутат 6 жыл мерзімге сайланады, алайда әр үш жыл сайын олардың жартысы қайта сайланып отырады.  Қазір билеуші блокта даусыз статусына ие 76 мандат болса, оппозицияда дәл осындай 45 орын бар.