Жапонияда полиция супермаркетке кіріп кеткен аюды екі күн дегенде әзер өлтірді
АСТАНА. KAZINFORM – Дүйсенбі күні Жапонияның солтүстік-шығысындағы супермаркетте екі күн тайраңдаған аю ұсталды деп хабарлады полиция. Жабайы жануар қызметкерге шабуыл жасап қана қоймай, дүкеннен ет жеп тамақтанған, деп хабарлайды Kyodo News ақпарат агенттігі.

Бойы бір метрге жуық аю Акита префектурасындағы супермаркетте ұсталды. Билік екі жерге тұзақ құрып, ішіне бал, алма және нан салған. Аю тұзаққа түсіп ұсталды. Жануарды іздеу үшін камерасы бар дрон да пайдаланылды, бірақ бұл әрекет сәтсіз аяқталды. Осы уақытта аю дүкеннің ет бөліміне кіру мүмкіндігін пайдаланып үлгерді.
– Аю супермаркетке сенбі күні таңертең 20-ға жуық қызметкер жұмыс күнін бастауға дайындалып жатқан кезде кірген. Жануар 47 жастағы ер адамға шабуыл жасап, бетін жарақаттаған, - деп хабарлады полиция.
Аю кірген кезде супермаркет жабық болды.