Жапонияда тағы да жойқын жер сілкінісі болды
АСТАНА. 20 мамыр. ҚазАқпарат - Жапонияда 6 балдық ірі зілзала болды, деп хабарлайды АҚШ-тың Ұлттық геологиялық қызметіне сілтеме жасай отырып РБК агенттігі.
Жер сілкінісінің кіндігі Мито қаласынан 82 шақырым жерде, Хонсю аралында орналасқан, бұл арал наурыз айында болған жер сілкінісінен ең көп зардап шеккен аудан еді.
Жер сілкінісінің ошағы 26,2 км тереңдікте болған. Қаза тапқандар мен зардап шеккендер туралы ақпарат жоқ. Цунами қауіпі туралы да айтылған жоқ.
