Жапонияда жарылған танкер капитанының денесі табылды

АСТАНА. ҚазАқпарат - Жапонияда жарылып, артынша суға кеткен мұнай танкері капитанының із-түзсіз жоғалып кеткен денесі табылды. Жарылыс кезінде ол мұнай мен мазут тасымалдайтын цистерналарды тазалап жатқан, деп жазады 24.kz.

Естеріңізге сала кетейік, 29 мамырда Хонсю аралының батыс жағалауында мұнай танкерінде екі жойқын жарылыс болып, оның соңы алапат өртке ұласқан болатын. Артынша кеме суға кетті. Құтқарушылар 7 адамды аман алып қалған. Күншығыс елінің теңіздегі қауіпсіздік қызметі оқиғаның мән-жайын анықтап жатыр. Апатқа тазарту жұмыстары кезінде цистерна ішінде жиналып қалған газдың тұтануы себеп болуы мүмкін.