Жапонияда жұмыссыздық рекордтық деңгейге жетті

АСТАНА.  Тамыздың  28-і. ҚазАқпарат - Жапонияда  жұмыссыздық өршіп,  тұтыну  баға индексі құлдырауының рекордтық деңгейі тіркеліп  отыр,  деп   хабарлайды  «Азаттық»  радиосы.

Әлем бойынша экономикасы  екінші  орында  тұрған  елде   шілде айында  жұмыссыздық деңгейі 5,7 пайызды  құраған.  Бұл   - екінші  дүниежүзілік соғыстан  бергі кезеңдегі ең  жоғары көрсеткіш.    Оған қоса, тұтыну бағаларының индексі  өткен айда  2,2 пайызға    құлдыраған.

Экономистердің    пікірінше,  дефляция    компаниялардың   табыстарын  азайтып  және   тұтынушылардың сатып алу мүмкіндіктерін  төмендетіп,     экономиканың  өсуіне кедергі  келтіруі мүмкін.