Жапонияда зілзала аймағындағы Toyota, Honda және басқа да компаниялардың зауыттары жұмысын тоқтатты
АСТАНА. ҚазАқпарат - Жапонияда көлік шығарушы алып компания Toyota Motor жұма күні елдің оңтүстік-батысындағы Кюсю аралындағы үш құрастыру зауытының жұмысы тоқтағанын хабарлады.
Бұған бейсенбіде Кумамото префектурасында магнитудасы 6,5 жер сілкінісі себеп болуда. Ол тоғыз адамның өмірін қиып кетті, айтарлықтай қиратуларға соқтырды, автомобиль және теміржолдарды бүлдірді.
Honda Motor бірлестігі де Кумамото префектурасындағы зауытын жапты. Онда автомобиль доңғалақтарының тыстарын шығару бойынша әлемдегі ең ірі компаниялардың бірі - Bridgestone, смартфондар шығаратын Sony және сұйықкристалл дисплейлері жиналатын Mitsubishi Electric компаниялары зауыттарының жұмысы тоқтатылды, деп жазады ТАСС.
