Жапониядағы парламенттік сайлауда басқарушы коалиция басым көпшілігінен айырылды

АСТАНА. KAZINFORM – Жапонияда жексенбі күні өткен сайлаудың алдын ала қорытындысы бойынша, басқарушы коалиция басым көпшілігінен айырылды, ал оппозиция парламенттің төменгі палатасында көбірек орынға ие болды. Енді басқарушы коалицияның тағдыры келіссөздер арқылы шешілетін болады, деп хабарлайды ВВС. 

Ресми деректерге сәйкес, премьер-министр Сигэру Исибаның Либералдық-демократиялық партиясы (LDP) мен «Комэйто» партиясынан тұратын блок көпшілік үшін қажетті 233 орынның 215-ін алды, ал оппозициялық партиялар 250 орынға ие болды. 

Осылайша, бұл қорытынды либерал-демократтардың жекеше билігін тоқтатуы мүмкін.

NHK телерадиокомпаниясының болжамы Жапонияның соғыстан кейінгі тарихының көп бөлігін басқарған LDP және оның коалициялық серіктестері төменгі палатадағы 465 орынның 174 пен 254-ін жеңеді деп күткенін көрсетті. 

Соңғы рет LDP көпшілікті 2009 жылы жоғалтқан. Оның басты қарсыласы, бұрынғы премьер-министр Есихико Ноданың Жапонияның Конституциялық-демократиялық партиясы айтарлықтай табысқа қол жеткізіп, кемінде 143 мандатқа ие болды.

BBC тілшілері атап өткендей, енді билікте қалу үшін LDP шиеленісті сайлауда күрескен саяси күштермен коалиция құру туралы келіссөздер жүргізіп, мұны әлсіз позициядан жасауы керек.

Бұл партия шегінуге мәжбүр болады деген сөз. 

Иcиба оппозициялық партиялармен келіссөз жүргізуге ниетті екенін мәлімдеген.