Жапониядағы көшкін құрбандарының саны 10-ға жетті
ТОКИО. Киодо-ҚазАқпарат - Жапонияның орталық бөлігіндегі Атами қаласында 4 шілдеде болған көшкін салдарынан кем дегенде 10 адам қаза тапты, деп хабарлайды ҚазАқпарат Киодо агенттігіне сілтеме жасап.
Бұған дейін тоғыз адамның опат болғаны туралы мәлім етілген еді.
Құтқарушылар екі апта бойы көшкін орнындағы үйінділерді тазалауды жалғастыруда. 18 адам із-түзсіз жоғалып кетті.
37 мың халқы бар Атамидегі көшкін 4 шілдеде таңертең басталды. Оның ұзындығы шамамен 2 км, 130-дан астам үй мен ғимарат зақымданған. Көшкін Жапонияның орталық және шығыс аймақтарында бірнеше күнге созылған нөсер жаңбырдың салдарынан болды. Екі күнде кей жерлерде жауын-шашын мөлшері 400-ден 600 мм-ге дейін түсті.
