Жапониядағы жаңа мамандық - қызғандыру

АСТАНА. ҚазАқпарат - Жапониялық en.rocketnews24.com сайтының хабарлауынша, осы елде «Support One» деп аталатын жаңа қызмет түрі ашылған. Бұл қызмет сіздің жаныңызға басқа жігіттерді қосып беріп, өз жігітіңіздің назарын аудартып, қызғандыру арқылы, араларыңыздың бұрынғыдан да жақсара түсуіне қызмет етеді.

Бұл компанияның веб-сайтында қызметкерлерінің фотосуреттер ілулі тұрады. Сайтқа тіркелу арқылы олардың қызметіне тапсырыс бере аласыз. Компания келбетті жігіттерді ұсынады, кездесу әдемі сауда орталығында, барда отырғанда «тапсырыс» алған жігіттер келіп, қызға «тиісе» бастайды. Ал қыз да оған «кетары» емес екенін білдіреді. Соңында, қыздың жігіті бұл «бұзақыны» қуып тастап, қалыңдығының көзіне «батыр» көрінеді.

Бұл компанияның қызметкерлері бұдан басқа да қызмет түрлерін ұсына алады. Мысалы, көшеде қыдырып жүргенде, дүкен аралағанда сіздің итіңізді серуендетеді, өлім аттандыру салтында қара көбейтеді, тіпті отбасылық барлық мәселелерге «сценарий» құрып, өтірік оқиға ұйымдастыру дегендей, деп жазады massaget.kz.