Жапонияның негізгі метеорологиялық спутнигі істен шықты

ТОКИО. KAZINFORM – Жапонияның Химавари-9 метеорологиялық спутнигі инфрақызыл суреттерді жіберуді тоқтатты. Бұл туралы елдің Ұлттық метеорологиялық департаменті хабарлады.

Мәселе жер бетін инфрақызыл сәулелер арқылы бақылауға байланысты суреттерді жіберу кезінде орын алғаны атап өтілді.

– Зақымданғанына қарамастан, Химавари-9 спутнигінің басқа маңызды функциялары жұмыс істеп тұр. Спутник тайфун, қатты жаңбыр және жел сияқты табиғи апаттар туралы ескертуге қажетті ақпаратты беруді жалғастыруда, – делінген хабарламада.

Елдің метеорологиялық басқармасы ақаудың себебін білмейтінін және оның қашан жөнделетінін айта алмайтынын жеткізді.

Қоса кетейік, Starlink интернет спутниктерінің 200-ші партиясы орбитаға шықты.