Жапонияның Танэгасима ғарыш айлағынан жүк кемесі ұшқышсыз ұшырылды
АСТАНА. 21 шілде. ҚазАқпарат - Бүгін Жапонияның оңтүстігіндегі Танэгасима ғарыш айлағы халықаралық ғарыш стансасына «Эйч-ти-ви-3» жүк кемесін ұшқышсыз ұшырды.
Зымыран-тасығыштың ғарышқа ұшуы жергілікті уақытпен 11:06-да басталған. 27 шілде күні кеме ХҒС-мен түйісуі керек. Алға қойған мақсат - ғарыштағы ХҒС экипажына жаңа киім, азық-түлік және жапондық «Кибо» үлгісі үшін ғылыми құрылғы жеткізу, деп хабарлайды ИТАР-ТАСС .
Айта кетсек, 2015 жылға дейін жапондықтар әлі осындай 6 «жүк» кемесін ұшырмақ.
