Жапонияның жаңа Премьері апатты «Фукусима-1» АЭС-на алғаш рет келді
АСТАНА. 8 қыркүйек. ҚазАқпарат - Жапонияның жаңа Премьер-министрі Есихико Нода «Фукусима-1» АЭС-нан 20 шақырым қашықтықта орналасқан стансадағы апатты жоюшылардың лагеріне келді,
деп хабарлайды Euronews.
Нода қызметіне кірісе салысымен ертерек елді қайта өркендету және 11 наурыздағы зілзала зардаптарын жою жаңа Үкіметтің басты міндеті болатынын мәлімдеді.
Үкімет басшысы ескі АЭС-тардың жұмысын тоқтатып, жабуға ниетті екенін білдірді.
Қазіргі таңда апатты «Фукусима-1» АЭС-дағы жұмыстар жоспардағыдай жүріп жатыр. Апатты жоюшылар реакторларды суытып тоқтатуды алдағы жылдың қаңтарына қарай аяқтауға үміт артып отыр.
