Жаппай вакцинация: Атырауда екпе салатын 22 пункт демалыссыз жұмыс істеп тұр
Бұл туралы Атырау облысының коммуникациялар қызметінде өткен брифингте денсаулық сақтау басқармасының басшысы Асхан Байдуәлиев мәлім етті.
Спикердің айтуынша, 3 сәуірден бастап Атырау облыстық санитариялық-эпидемиологиялық бақылау департаментінің 2021 жылғы 2 сәуірдегі № 24-27-03/346 хатына сәйкес «Спутник V» вакцинасы халықты жаппай вакциналау үшін пайдаланылады.
Қала, аудан тұрғындары, кәсіпорындарда вахталық әдіспен жұмыс істейтін және басқа да санаттағы адамдар кіреді.
- Барлық егу пунктері демалыссыз жұмыс істейтін болады. Вакцинаны тіркелген жері бойынша емханадан 18 жастан асқан адамдар ала алады, - деп түсіндірді Асхан Байдуәлиев.
Естеріңізге сала кетейік, биылғы жылдың 2 сәуірінде аймаққа 3 600 доза вакцина келді, олар облыстың 22 егу пунктіне таратылды.
1 ақпан мен 2 сәуір аралығында Атырау облысына 3 600 доза вакцина жеткізіліп, 3 598 адам егілді.
Оның ішінде 42 мемлекеттік қызметші, 1611 медицина қызметкері, 1413 педагог, 486 полиция қызметкері, 46 өзге адамдар вакцинацияланды.