Жаратылысы ерекше Айжан Сұлтанова Х-фактор жобасының келесі кезеңіне өтті - ВИДЕО
АСТАНА. ҚазАқпарат - Астанада тұратын 21 жастағы Айжан Сұлтанова Украинаның Х-Фактор жобасына қатысып, негізгі кезеңіне өтті. Әділ қазылар алқасының үшеуі Айжанның талантына ғана емес, тағдыр сынағына бой бермеген батылдығына да тәнті болып, дауыс берді.
«Түсінесіздер ме, адам өз тәніне өзі үйренеді, өйткені, ол солай жаратылған және ол басқа тәннің қандай болатынын білмейді. Мен 7-8 жасыма дейін басқалалардан өзгешелеу екенімді білмегенмін де...Бірақ, бір де бір дәрігер не себепті осылай болғанын айта алған жоқ», - дейді Айжан шоу алдындағы сұхбатында.
Айжанның жасы 21-де, бойы - 1,21 м. «Шамам келген дүниелерді өзім жасаймын. Анам маған: «өте қырсықсың, айтқаныңнан қайтпайсың, бір мәселелерде өте қаттысың», - дейді. Бірақ, егер мен осындай өжет мінезді болмасам, мені таптап кетер еді...Адам арманына жетеді, тек, ерік-жігері мықты болу керек», - дейді Айжан.
