Жарда селфи жасамақ болған сингапурлық қаза тапты
АСТАНА. ҚазАқпарат - Сингапур азаматы Индонезияда жарда тұрып селфи жасамақ болған кезінде мұхитқа құлап, қаза тапты, деп хабарлады Утро.ру индонезиялық Jakarta Post басылымына сілтеме жасап
Оқиға Балидің оңтүстік-шығысындағы Нуса-Лембонган аралында орын алды. Достарымен демалысқа келген 21 жастағы Мохамед Aслам бин Шахул аралдың тік жарында селфи жасамақ болған. Оны толқын соғып, тепе-теңдікті сақтай алмай қалған жігіт мұхитқа құлаған.
"Тепе-теңдікті ұстай алмай, аяғы тайып, мұхитқа құлады. Ол жүзу білмеді деген болжам бар", - деді жергілікті полиция өкілі.
Жігіттің мүрдесі бес метр тереңдіктен табылды. Оны госпитальге жеткізді, медицина қызметкерлері оның денесі жансыз екенін мәлімдеді.
