Жарылғыш зат қойылды деген ақпаратқа байланысты Орал қаласындағы мектептен 600 оқушы қауіпсіз жерге көшірілді
АСТАНА. Наурыздың 10-ы. ҚазАқпарат - Жарылғыш зат қойылды деген ақпаратқа байланысты Орал қаласындағы мектептердің бірінен 600 оқушы қауіпсіз жерге шығарылды,
деп хабарлады ҚР ТЖМ-нан.
Ведомство баспасөз қызметінің мәліметіне сәйкес кеше, наурыздың 9-ы күні сағат 15.10-да «102» нөміріне Құрылысшы көшесінде орналасқан №9 орта мектепке жарылғыш заттың қойылғандығы туралы хабар келіп түскен. Алынған ақпаратқа байланысты 600 оқушы дереу ғимараттан шығарылған, алайда жүргізілген арнайы шаралардың нәтижесінде жарылғыш зат табылған жоқ.
