Жарылыс қаупіне байланысты Тәж-Махалдан мыңнан астам турист эвакуацияланды
НЬЮ-ДЕЛИ. ҚазАқпарат – Бейсенбі күні таңертең Үндістанның Агра қаласындағы Тәж-Махал кесенесі аумағынан кем дегенде мыңнан астам турист эвакуацияланды, деп хабарлайды ҚазАқпарат Hindustan Times газетіне сілтеме жасап.
Басылымның жазуынша, жергілікті полицияға белгісіз ер адам хабарласып, көрнекті жерге мина қойылғаны туралы хабарлаған. Содан кейін дереу эвакуациялау жұмысы жүргізілді.
Тәж-Махал кешенін полиция қоршауға алды. Қауіпсіздік күштері жарылғыш затты іздеп жатыр.
