Жарыс кезінде тәттіден дәм татқан «Тур де Франс» көшбасшысына айыппұл салынды
АСТАНА. 19 шілде. ҚазАқпарат - «Тур де Франс» көпкүндік жарысының 18-ші кезеңі аяқталысымен Sky құрамасының өкілі британдық Крис Фрумға 20 секундқа айыппұл салынды.
Төрешілердің бұл шешіміне тамақтану ережелерінің бұзылуы себеп болған. Мәре сызығына 5 шақырым қалған кезде осы кезеңде 7-ші нәтиже көрсеткен және жалпы есепте көшбасшылықты сақтаған Фрум энергетикалық батончиктен дәм татқан.
Талап бойынша мәре сызығына 20 шақырым қалғанда тамақ жеуге тыйым салынады.
