Жас патриоттар қарттар мен мүгедектерге арнап концерт қойды - Бурабай

КӨКШЕТАУ. ҚазАқпарат - 2-ші республикалық жас патриоттар форумына қатысушылар «Мейірімділік жолымен» акциясы шеңберінде Щучинск қаласындағы қарттар мен мүгедектерге арналған интернат-үйінде концерт қойды, деп хабарлайды ҚазАқпарат тілшісі.

  Еске сала кетейік, ақпанның 21-23 аралығында Ақмола облысының Бурабай курортындағы «Балдәурен» республикалық оқыту сауықтыру орталығында «Патриотизм - Рухани жаңғырудың берік іргетасы» 2-ші республикалық жас патриоттар форумы өтуде.  Оған қазақстандық жас патриоттар академиясының мүшелері, делегация жетекшілері, «Рухани жаңғыру» бағдарламасының менеджерлері, ерлікпен танылған оқушылар, патриоттық тәрбие бойынша «Мен - өз елімнің азаматымын!» атты республикалық байқаудың жеңімпаздары қатысуда.
    

  Форум барысында патриоттар академиясының жаңа мүшелері қатарға қабылданады. Сонымен қатар, «Мен - өз елімнің азаматымын!» байқауының қорытындысы шығарылып, жеңімпаздары марапатталады.