Жас пианистердің І Халықаралық фестиваль-байқауының қазылар алқасының құрамы анықталды
АСТАНА. 15 қаңтар. ҚазАқпарат - Жас пианистердің І Халықаралық «Astana Piano Passion» фестиваль-байқауындағы қазылар алқасының құрамына танымал пианист, Ресейдің еңбек сіңірген әртісі, П.И. Чайковский атындағы Мәскеу мемлекеттік консерваториясының фортепиано факультеті арнайы фортепиано кафедрасының профессоры Павел Нерсесьян енеді.
Елорданың ресми сайтының жазуынша, Нерсесьян Павел Тигранович Л. Ванн Бетховен атындағы (Вена, 1985, II сыйлық), Паломы О'Ши (Сантандер, 1987, IV сыйлық), Токиода (1989, V сыйлық), Дублин атындағы (GPA; 1991, I сыйлық) халықаралық сыйлықтардың лауреаты болып табылады.
Бұған дейін хабарлағанындай, Павел Нерсесьяннан басқа жас пианистердің І Халықаралық «Astana Piano Passion» фестиваль-байқауы қазылар алқасының құрамында П.И. Чайковский атындағы Мәскеу мемлекеттік консерваториясының профессоры - Валерий Пясецкий; Құрманғазы атындағы Қазақ Ұлттық консерваториясының ректоры, ҚР халық артисі, ҚР Мемлекеттік сыйлығының лауреаты, профессор - Жания Әубәкірова; «Астана-Опера» опера және балет театрының бас директоры, ҚР Мемлекеттік сыйлығының лауреаты - Төлеген Мұхамеджанов, сондай-ақ ҚХР, Оңтүстік Корея және АҚШ өкілдері бар. Қазылар алқасының құрметті мүшесі және байқаудың идеялық жетекшісі - Ресейдің халық артисі Денис Мацуев.
Еске салайық, жас пианистердің фестиваль-байқауы Астана қаласында 2013 жылдың 10-ы мен 16 мамыры аралығында өтеді. Байқауға қатысу үшін өтінімдер қабылдау басталды. Ол 2013 жылдың 10 наурызына дейін жалғасады. Байқаудың жүлде қоры - 50 000 АҚШ доллары.
