Жасөспірімдер Олимпиадасы: Екінші «алтынды» Диас Бахраддин иеленді
АСТАНА. ҚазАқпарат - Буэнос-Айресте (Аргентина) 2018 жылғы жасөспірімдер Олимпиадасы өтіп жатыр, деп хабарлайды Sports.kz.
Екінші алтынды байдарка мен каноеде ескек есуден жарыс жолына шыққан Диас Бахраддин олжалады. Ол финалда каноеде өзбек Исломжон Абдусаломовты артқа тастады. Бахраддиннің уақыты 1:54.660 болды, ал оның қарсыласы - 1:55.170.
Сондай-ақ ескек есуден Қазақстанға «қоланы» Стелла Суханова әперді. Ол венгриялық Эстер Рендессиге («алтын») және словакиялық Катарина Пецшуковаға жол берді.
Еске сала кетсек, бұдан бұрын алғашқы алтынды 100 келіге дейінгі салмақ дәрежесіндегі дзюдошы Бекарыс Сәдуақас олжалаған еді.
