Жасөспірімдер Олимпиадасы: Қазақстандық биатлоншылар этафетадан алғашқы ондыққа кірді
АСТАНА. KAZINFORM – Оңтүстік Кореяның Канвон қаласында IV қысқы жасөспірімдер олимпиадасының екінші күні биатлоннан ерлер мен қыздар арасында аралас эстафетадан сайыстар өтті.
Аталған додада ел намысын Ілияс Хасенов пен Алема Қарабаева қорғады. Нәтижесінде екі спортшымыз мәре сызығын оныншы болып кесіп өтті.
Аралас эстафетада Франция құрамасы топ жарса, Германия екінші, Норвегия үшінші нәтиже көрсетті.
Айта кетейік, Олимпиаданың алғашқы күні биатлоннан қыздар арасында 10 шақырымдық жекелей сайыстар өткен болатын. Жарыс жолына шыққан 99 спортшының арасында 3 жерлесіміз сынға түсіп, Алема Карабаева 37 орын, Эвелина Мезенцева 57 орын, Мария Воробьева 82 орынға тұрақтаған болатын.
