Жастар «Қазақстанның ел бірлігі доктринасы» жобасына өз ұсынымдарын беруі тиіс - Жастар конгресі
АСТАНА. Қарашаның 20сы. ҚазАқпарат /Құралай Орынбекқызы/ - Республика жастары «Қазақстанның ел бірлігі доктринасы» жобасына өз ұсынымдарын беруі тиіс.
Бұл туралы бүгін «Жастардың келісім алаңы» тақырыбында өткен дөңгелек үстел барысында Қазақстан жастары конгресінің атқарушы директоры Нұрлан Сыдықов айтты, деп хабарлайды ҚазАқпарат тілшісі.
«Елбасы Қазақстан халқы Ассамблеясының 15-ші сессиясында жұртшылық алдына талқылауға «Қазақстанның ел бірлігі доктринасы» жобасын ұсынды. Осы орайда, біз жастар доктринаның жобасын талқылап, оған өз ұсынымдарын беруі тиіс деп санаймыз», - деді Н.Сыдықов.
Оның айтуынша, мұндай басқосулар Қызылорда, Ақтөбе облыстарында ұйымдастырылған. Аталмыш іс-шараның негізгі мақсаты - Қазақстан жастары конгресі мен этномәдени бірлестіктерінің өзара іс-әрекеттесуін нығайту.
