Жаттығу кезінде ұшқыш тікұшақтан құлап кетті
АСТАНА. ҚазАқпарат - Бельгияның Льеж провинциясындағы (елдің шығысында) оқу-жаттығу шаралары кезінде ұшқыш тікұшақтан құлап кетті. Бұл туралы ТАСС Belga агенттігіне сілтеме жасап хабарлайды.
Агенттік таратқан мәліметтер бойынша, оқиға Аме комуннасында парашют құрылғыларын таныстыру рәсімі барысында 40-шы инженерлік батальонда болған.
Осы оқиғаға қатысты таратылған ақпараттарда ұшқыштың Agusta A-109 тікұшағынан бірнеше жүздеген метр биіктіктен құлағандығы айтылады. Жаттығу кезінде ол парашют тақпаған. Бортта болған екінші ұшқыш тікұшақты сәтті қондырды.
