Жайқалып өскен гүл елорданың брендіне айналуы керек - Астана әкімі
АСТАНА. 31 желтоқсан. ҚазАқпарат - Жайқалып өскен гүл елорданың брендіне айналуы керек. Бұл пікірді қала активімен өткен жиын барысында елорда әкімі Иманғали Тасмағамбетов білдірді.
«Осында келген адамдардың көпшілігін бізді көп өсіп тұрған гүлдер таң қалдырады. Дегенмен бұл өзіндік елорданың бренді болуы қажет», - деді ол.
Әкімнің алға тартқан деректеріне қарағанда, ағымдағы жылы шамамен 40 мың ағаш және 7 мың бұта отырғызылды. Бұл 2010 жылға қарағанда 2 есеге көп. Егер 2010 жылы 7,6 млн. гүл отырғызылса, ағымдағы жылы шамамен 8,4 млн. гүл көшеттері егілді. 2008 жылы гүл көшеттері 2 мл. Болса, қазір олардың саны 9 млн-ға жетті.
