Жаз маусымы басталғалы бері Астанада 10 мыңнан астам көшет отырғызылды (ФОТО)

АСТАНА. ҚазАқпарат - Елордамыз жылдан жылға көркейіп, жасылданып, гүлдер мен ағаштар көптеп отырғызылып, жасыл композициялар мен жасыл қоршаулар жасалуды. Бұл орасан жұмыстардың барлығын елордалық «Астана-Зеленстрой» коммуналдық мекемесі жүзеге асырады.

Күн сайын сағат таңғы 7-ден кешкі 7-ге дейін аталмыш мекеменің 700 жұмысшысы елордамыздың жасыл имиджін қалыптастыру мақсатында еңбек етеді. Маусым басынан бері 10 мыңнан астам ағаш көшеттері отырғызылып, 5 шақырым жасыл қоршау салынды, 148 мың шаршы метрден астам гүлдестелер жасалды.

«Астана-Зеленстрой» қызметкерлері 300 мың ағаш, 13 мың бұта, 144 м жасыл қоршауға күтім жасап, бақылайды.

213 арнайы техника көмегімен жасылдандырушылар тек қана жасыл көшеттерді отырғызып қоймай, оларға күтім көрсетеді. «Астана-Зеленстрой» бақылауында 663 га созылған ашық жасыл шалғын бар.

Күн сайын жүздеген адам таңертең ерте қала көшелеріне ерекше түр беру үшін шығады. Алайда, саябақтар, шағын бақтар және шалғындардың тазалығын сақтау қаламыздың әр бір тұрғынының міндетті екенін де ұмытпау керек.