Жібек Құламбаева Франциядағы турнирдің жеңімпазы атанды
Қазақстандық Жібек Құламбаева жұптық сында Франциядағы Шербур ITF турнирінің жеңімпазы атанды, деп хабарлайды Kazinform.
Жарыстың бірінші ракеткалары болып тіркелген Ж.Құламбаева мен Польша өкілі Мартына Кубка финалда франциялық Ясмин Мансури - бельгиялық Лора Солденмен чемпиондық атақты сарапқа салды.
Қазақ-поляк қарсыластарын 6:0, 6:3 есебімен оңай жеңді.
Осылайша, Жібек Құламбаева жұптық сында тағы бір ITF додасында үздік шықты.
Еске сала кетейік, бұдан бұрын Жібек Құламбаеваның ITF турнирінің финалында ойнайтынын жазған болатынбыз.
