Жексенбіде елімізде жауын жауады, жел күшейеді
АСТАНА. ҚазАқпарат - Жексенбіде еліміздің кей жерлерінде жауын жауып, күшті жел соғады, көктайғақ болады, деп хабарлайды Қазгидромет.
Синоптиктердің мәліметінше, 28 қазанда атмосфералық ағындардың өтуіне байланысты Қазақстанның басым бөлігінде құбылмалы ауа райы сақталады, жауын жауады, солтүстіктің кей жерлерінде қатты жауын-шашын күтіледі. Тек еліміздің батысында күн райы ашық болады. Сондай-ақ еліміздің кей жерлерінде жел соғып, тұман түседі, солтүстік өңірлерді көктайғақ күтіледі.
Жамбыл облысының кей жерлерінде желдің жылдамдығы секундына 15-20 метрге жетеді, таңертең және күндіз екпіні 23-28 м/с болады, облыстың оңтүстік-батысында 30 м/с және одан қатты жел күтіледі.
Қызылорда облысының кей жерлерінде жел 18-23, екпіні 30 м/с және одан күшеюі ықтимал.
Ақмола облысының кей жерлерінде тұман, көктайғақ күтіледі, басым бөлігінде жел 15-20 м/с, екпіні 23-28 м/с.
Түркістан облысының түнде басым бөлігінде, күндіз кей жерлерінде жел күшейеді,15-20 м/с, түнде кей жерлерде желдің екпіні 23-28 м/с.
Батыс Қазақстан, Қарағанды, күндіз Атырау, Ақтөбе, Алматы облыстарында кей жерлерде жел 15-23 м/с күшейеді, Ақтөбе облысында - кей жерлерде тұман күтіледі.
Қостанай облысының кей жерлерінде жел 15-20 м/с, екпіні 25 м/с, түнде кей жерлерде тұман, көктайғақ күтіледі.
Солтүстік Қазақстан, Шығыс Қазақстан облыстарында түнде кей жерлерінде, күндіз басым бөлігінде жел 15-20 м/с, екпіні 23-28 м/с күшейеді, Солтүстік Қазақстан облысының кей жерлерінде тұман, көктайғақ болады.
Павлодар облысында таңертең және күндіз жел 15-20 м/с күшейеді, кей жерлерде екпіні 23-28 м/с жетеді.
Маңғыстау облысының кей жерлерінде түнде және таңертең тұман күтіледі.
