Жексенбіде Қазақстанның басым бөлігінде қар жауады
АСТАНА. ҚазАқпарат - Қазақстанның басым бөлігінде жексенбі күні атмосфералық ағындардың өтуімен ауа райының тұрақсыз сипаты сақталады, оңтүстікте және оңтүстік-шығыста кей жерлерде жапалақтап қар жауады. Кей жерлерде тұманды, көктайғақ болады, бұрқасын көтеріледі, жел күшейеді, деп хабарлады «Қазгидромет» РМК.
Жамбыл, Оңтүстік Қазақстан облыстарында кей жерлерде жел 15-23 м/с-қа дейін күшейеді, бұрқасындатып, тұман түседі, көктайғақ болдаы.
Маңғыстау облысында кей жерлерде тұман түседі, көктайғақ болады, күндіз желдің күші 15-20 м/с-қа дейін жетіп, жаяу борасын жүреді.
Алматы облысында кей жерлерде көктайғақ болады, тұман түседі, желдің күші 15-20 м/с. Қызылорда, Атырау облыстарында кей жерлерде жел 15-22 м/с-қа дейін күшейеді, бұрқасын көтеріледі, көктайғақ болады.
Ақтөбе облысында кей жерлерде тұман түседі, бұрқасындатады, күндіз желдің екпіні 15-20 м/с-қа дейін жетеді. Қостанай облысында түнде және таңертең кей жерлерде тұман түседі, күндіз жел 15-20 м/с-қа дейін күшейеді.
Солтүстік Қазақстан облысында кей жерлерде тұман түседі.
Ақмола облысында түнде жаяу борасын жүреді.
Шығыс Қазақстан, Қарағанды, Павлодар облыстарында кей жерлерде желдің екпіні 15-20 м/с-қа дейін жетіп, бұрқасындатады.
