Жексенбіде күн жаңбырлы болады
АСТАНА. ҚазАқпарат - Қазгидромет мамандары 9 сәуір, жексенбіге арналған ауа райы болжамын ұсынды, деп хабарлайды ҚазАқпарат.
Республика аумағының басым бөлігі атмосфералық фронттардың ықпалында болады.
Осыған байланысты ауа райының тұрақсыз сипаты сақталады, жаңбыр жауады.
Еліміздің оңтүстік-батысында қатты жаңбыр, Қазақстанның шығысында, оңтүстік-шығысында таулы аудандарда жаңбыр мен қар түрінде жауын-шашын болады.
Оңтүстік-шығыстың таулы аудандарында кейде нөсер жаңбыр жауады.
Қазақстанның тек солтүстігінде, солтүстік-батысында және орталығында жауын-шашын болмайды.
Республика бойынша жел күшейеді, солтүстік пен шығыста – тұман, оңтүстікте, оңтүстік-батыста, оңтүстік-шығыста – найзағай жарқылдайды.
Алматы және Жетісу облысының таулы аудандарында кей уақытта қатты жауын-шашын (жаңбыр, қар) жауады. Маңғыстау облысында да қатты жаңбыр жауады.
Жетісу облысында түнде 2 градус үсік сақталады.
