Жексенбіде Қырғызстанда парламент сайлауы өтеді

АСТАНА. ҚазАқпарат - Жексенбі күні Қырғыз Республикасында парламент сайлауы өтеді, бұл аталған ел тарихындағы партиялық тізім бойынша өтіп отырған екінші сайлау, деп жазады «ТАСС».

Сайлау жергілікті уақытпен сағат таңғы 8-00-де басталып, кешкі 20-00-де аяқталады. Барлығы 2 374 сайлау учаскесі жұмыс жасайды, оның 36-сы шет мемлекеттерде болады.

Сайлауға 2 761 млн адам қатысуға құқылы. Сонымен қатар, өзге мемлекеттерден жұмыс іздеп кеткен 300 мыңнан 1 млн-ға дейін адам сайлауға қатыса алады.