Жел, үсік, тұман: 11 қыркүйекке арналған ауа райы болжамы
НҰР-СҰЛТАН. ҚазАқпарат - 11 қыркүйек - жұма күні Қазақстан аумағының басым бөлігіне антициклон әсер етеді, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
Осыған байланысты елімізде жауын-шашынсыз ауа райы күтіледі.
Тек еліміздің батысында және оңтүстікте атмосфералық фронттардың әсерінен жаңбыр жауады, батыста найзағай жарқылдап, жауын-шашын болады.
Республика бойынша кей жерлерде тұман түсіп, жел екпіні 15-20 м/с дейін күшейеді.
Шығыс Қазақстан облысының кей жерлерінде жел жылдамдығы - 15-20 м/с. Түнде және таңертең кей жерлерде тұман түседі.
Жамбыл, Қарағанды, күндіз Қызылорда, Батыс Қазақстан, Солтүстік Қазақстан облыстарының кей жерлерінде жел қарқыны 15-20 м/с жетеді.
Маңғыстау, Ақтөбе, Павлодар облыстарының кей жерлерінде тұман түседі.
Түнде Ақмола, Қарағанды, Шығыс Қазақстан, Солтүстік Қазақстан, Павлодар облыстарының кей жерлерінде 1-3 градус үсік жүреді.
Қызылорда облысының басым бөлігінде, Қарағанды, Атырау облысының кей жерлерінде және Түркістан облысында төтенше өрт қаупі сақталады.
