Жел, жаңбыр, бұршақ - 16 маусымға арналған ауа райы
НҰР-СҰЛТАН. ҚазАқпарат - 16 маусымда Қазақстанның басым бөлігінде құбылмалы ауа райы сақталады, ел аумағының кей жерлерінде найзағай, желдің күшеюі, дауыл күтіледі, бұршақ жаууы ықтимал, солтүстікте тұман түседі, деп хабарлайды Қазгидромет.
Павлодар, Шығыс Қазақстан облыстарының кей жерлерінде жел 15-20, екпіні 25 м/с күшейіп, назағай ойнап, дауыл тұрады, бұршақ жаууы мүмкін.
Қарағанды облысының кей жерлерінде жел 15-20, екпіні 25 м/с жетеді, найзағай, дауыл болып, бұршақ жаууы ықтимал. Жамбыл, Алматы облыстарының кей жерлерінде желдің жылдамдығы 15-20 м/с жетеді, найзағай, дауыл, бұршақ жаууы мүмкін.
Батыс Қазақстан, Қостанай облыстарының кей жерлерінде жел 25 м/с күшеюі күтіледі, найзағай ойнап, Қостанай облысында бұршақ жаууы ықтимал. Ақмола облысының кей жерлерінде найзағай күтіледі, бұршақ жаууы мүмкін, күндіз жел 18 м/с күшеюі күтіледі.
Атырау, Ақтөбе облыстарының күндіз кей жерлерінде жел 15-20 м/с күшейеді, найзағай жарқылдауы мүмкін.
Күндіз Солтүстік Қазақстан облысының кей жерлерінде найзағай күтіледі, бұршақ жаууы ықтимал, түнде және таңертең тұман түседі. Күндіз Түркістан, Қызылорда облыстарының кей жерлерінде жел 15-20 м/с күшейеді, Түркістан облысының таулы аймақтарында түнде найзағай жарқылдайды.
Батыс Қазақстан, Атырау, Ақтөбе, Қостанай, Қызылорда, Түркістан облыстарының кей жерлерінде жоғары өрт қаупі сақталады.
