Желтоқсанда 53,1 мың адам жұмысқа қабылданды
АСТАНА. 12 қаңтар. ҚазАқпарат - Өткен жылдың желтоқсан айында 53,1 мың адам жұмысқа қабылданды, деп хабарлады ҚР Статистика агенттігінің баспасөз қызметінен.
Жедел деректерге сәйкес, ірi және орта кәсiпорындарға және ұйымдарға 2012 жылғы желтоқсанда 53,1 мың адам қабылданды, түрлі себептермен - 68,7 мың адам жұмыстан кетті. Жұмыстан кеткен қызметкерлердiң арасында өз еркі бойынша жұмыстан босатылғандар 80,6, қызметкерлер санының қысқаруына байланысты - 1,9, басқа себептер бойынша - 17,5 пайызды құрайды.
