Желтоқсанның 27-сінде Өзбекстанда парламенттік сайлау өтеді - республиканың Орталық сайлау комиссиясы
КЕНТ. Қыркүйектің 17-сі. ҚазАқпарат /Құрмат Самархан/ - Желтоқсанның 27-сінде Өзбекстанда парламенттік сайлау өтеді.
Бұл туралы Өзбекстанның Орталық сайлау комиссиясының төрағасы Мирза-Улугбек Абдусаломов бейсенбі күні брифингте хабарлады.
Оның айтуынша, Олий Мәжілістің заң шығарушы палатасына, сондай-ақ аудандық және қалалық халық депутаттары кеңестеріне депутаттар сайлау науқанын бастау пәрмені ағымдағы жылы қыркүйектің 22-сінде берілетін болады. Орталық сайлау комиссиясының мәжілісінде осындай шешім қабылданды.
Олий Мәжілістің заң шығарушы палатасына депутаттар спйлау үшін 135 сайлау округі құрылуда. Сайлауалды үгіт-насихат шаралары депутаттыққа кандидаттар үшін, Орталық сайлау комиссиясына тіркелген күннен бастап, яғни 2009 жылғы қарашаның 22-сінен басталады.
