Женевада «Арқанкерген» қосынында қаза тапқан шекарашыларды еске алды
АСТАНА. 7 маусым. ҚазАқпарат - 5 маусым күні «Арқанкерген» қосынындағы қайғылы оқиғаға байланысты Қазақстан Республикасының Женевадағы БҰҰ бөлімі және басқа да халықаралық ұйымдар жанындағы тұрақты өкілдігінде Мемлекеттік Ту
төмен түсіріліп, көңіл айту кітабы ашылды. Бұл туралы ҚР СІМ-нің баспасөз қызметінен хабарланады.
ҚР миссиясына халықаралық ұйымдар мен шетелдік дипломатиялық өкілдіктердің басшылары қаза тапқан отандастарымыздың туыстары мен жақындарына, Үкіметке және Қазақстанның бүкіл халқына көңіл білдіру үшін келді.
Бірқатар тұрақты өкілдіктер қайғыға ортақтасып, көңіл айтуларын хат түрінде жолдады, онда қаза тапқандардың туыстарына да көңіл айту және қолдау өтініштері білдірілді.
